(1)
السي في هو مفتاح دخولك الإنترفيو وبعد كده قبولك في الوظيفة
يعني لازم تهتم بيه وبتفاصيله وبكتابته وتنسيقه ومحتوياته
وأهم حاجة محتوياته دي
لازم تكون صادق وأمين في كل حرف بتكتبه
(2)
مابنكتبش في عنوان السي في إنه سي في
بنبدأ بكتابة إسمنا وبياناتنا الشخصية
وساعتها إحنا الريكروترز بيكون مفهوم لينا إنه سيرة ذاتية أو سي في
(3)
الصورة الشخصية
وما أدارك ما الصورة الشخصية!
الصورة يا جماعة لازم فورمال ولا تكون سيلفي ولا نجيبها صور الساحل
ولبسنا كمان فيها يكون فيها فورمال
(4)
مهم نكتب الأوبجكتف في بداية السي في
وفيه بنوضح إزاي إن مهاراتنا وقدراتنا ملائمة للوظيفة المطلوبة
ونفهم من كده إنه ماينفعش نعمل سي في واحدة لكل الشركات
(5)
عين الريكروتر لازم تكون مرتاحة وهي بتشوف السي في
عشان كده بنقسمه لأقسام
يعني بعد الإسم والبيانات الشخصية وجهات الإتصال بييجي الكارير أوبجتكف أو هدفك الوظيفي
بعدين التعليم ثم الخبرات ثم التدريب
ودول بنرتبهم من الأحدث للأقدم
وبعد كده نكتب المهارات وأخيرًا المراجع
وناخد بالنا إننا في الخبرات مانسيبش أي فراغات زمنية، مهمة قوي النقطة دي
(6)
يا أسيادنا بلاش ألوان كتير وبهرجة في التنسيق
الألوان الفورمال هي الأسود والرمادي والكحلي ودي اللي نقدر ننسق بيها
(7)
الفونط يا جماعة ياريت يكون
Times new roman or Arial
عشان دول فونطات رسمية
ومقاس التكست يكون 12 في الكلام الفرعي ومن 16-20 في العناوين الرئيسية
(8)
الملف اللي عملنا فيه ال سي في
لما نعمل له Save على الجهاز عندنا مهم نحفظه بإسم يكون واضح للريكروتر يعني
Omarhamed.CV
بلاش نحفظه بإسم
Curriculum Vita
وخلاص
ده بيلخبط اللي هيعمل معاك الإنترفيو جدًا لما بتتبعت له سيفيهات من كل المتقدمين
(9)
البنات مايكتبوش إنهم مالهومش جيش
ولينا كلنا مانكتبش إن كنا ذكر أو أنثى إلا لو الإسم ملتبس
زي آلاء وعلاء ونور والأسماء اللي لما بتتكتب بالإنجليزي تحتمل المعنيين دي
وهنا الصورة الشخصية ممكن تغني عن خانة النوع
(10)
إحنا مصريين وعرب
يعني بنتكلم عربي مفاجأة.. مش كده!
فبلاش نكتب إننا بنتكلم عربي فلونت
كمان لو شايفين نفسنا بنتكلم إنجليزي بطلاقة ياريت نكتبها جيد جدًا
و لو شايفين نفسنا جيد جدًا ياريت نتواضع ونكتبها جيد بس
تقديرنا لنفسنا بيخوننا ساعات فالأفضل نكون موضوعيين
محتاج تزل تمبلت لسى فى بصورة بسيطة ادخل على الرابط
